الحب ده معنى جميل

الحب ده شيء مش سهل

الحب ده زي النيل

بيفيض بالخير على الكل

الحب أمل و تفاؤل

الحب دفا و حنية

لو تملا حياتك حب

هتعيش كده عيشة هنية

الحب ده مش نوع واحد

الحب أكتر من نوع

أحلاهم حب الله

و طريقه كله طلوع

و حياتك تصبح جنة

و تعيشها خضوع و خشوع

ده اللي يحب الله دايماً

بيكون فرحان و سعيد

و لا يمكن يحزن أبداً

و الخير يغمره و يزيد

حب الله كنز حقيقي

هيخليك أغنى الناس

لو حبيته حب حقيقي

هتحب كل الناس

لو عندي كنوز الدنيا

و قلبي خالي من الحب

ده لا يمكن هافرح أبداً

و لا أنول مرضاة الرب

و كله راح يفنى في ثانية

و يبقى العذاب و الكرب

الحب ده شمعة تنور

للمؤمن أحلى طريق

بالحب راح تلقى ربك

أوفى خل و صديق

جدد حبك لله

جدد عهدك واياه

اقرأ دايما مناجاة

إوعى أبداً تنساه

صلي لربك و ناجيه

في نهارك أو بالليل

جنبك دايماً تلاقيه

بيحبك حب جميل

الحب ده معنى جميل

الحب ده شيء مش سهل

الحب ده زي النيل

بيفيض بالخير على الكل