عيون كانت حبيبة

دلوقتي بقت غريبة

راح فين الحب كله

فين الحنان و الطيبة

عيون كدبت عليا

كنت فاكرها قريبة

طلعت بعيدة عني

و ملاها الحسد و الغيبة

عيون كانت صديقة

دلوقتي اتغيرت

و عيون بتخاف عليا

دلوقتي اتحيرت

و عيون شايفة الحقيقة

و يا ريتها دورت

و عيون لسه حبيبة

مليانة حنان و طيبة

بتقول خايفة عليك

من ظلم الناس دي ليك

بتقول خليك معانا

ده طريقك آخره صعب

ما تفكروا يا جماعة

ده هو طريق الرب

و طريقه كله خير

مليان أمل و حب

دموعي ملت عيوني

و ياريتهم فكروا

و أحسن ما يلوموني

يروحوا يدوروا

طريق الله قريب

لكن خليك حبيب

و دور على الطبيب

و سيبك من الغريب

و لما الله يقول

جاهد تبلغ مناك

إزاي من غير ما تبحث

تقول ده طريق هلاك

حاول توصل بقلبك

ده طريق كله أمان

ده طريق في آخره ربك

الحنان المنان

خليك ويا حبيبك

و ارمي كله وراك

و إيه ممكن يصيبك

إذا ربك حماك