يا رب نور لي طريقي
كتبهاAhmed Helmy ، في 4 أغسطس 2009 الساعة: 09:08 ص
يا رب نور لي طريقي
يا رب إهدي لي نفسي
ما هو أنت يا ربي صديقي
و أقرب ليا من نفسي
يا رب سامح أعدائي
يا رب وفقهم للخير
و تستجيب لي في دعائي
و قدرني أساعد الغير
يا رب إملا قلبي بنور
محبة وود و اطمئنان
يا رب خللي قلبي جسور
بفضل و نعمة الإيمان
يا رب دايماً خلليني
أحب الكل و أساعدهم
يا ربي حبيبي إهديني
و قدرني أساندهم
يا رب إملا الدنيا سلام
و خللينا صحاب و أحباب
دي نعمة كبيرة أوي يا سلام
و من غيرها حياتنا عذاب
يا رب و النبي علمنا
ازاي نحب كل الناس
مش بس اللي من ديننا
كل البشر كل الأجناس
يا رب صفي قلوبنا بجد
يا رب حقق أحلامنا
بنوعدك هنصون العهد
و كلامك نور لأيامنا
يا رب نور لي طريقي
يا رب إهدي لي نفسي
ما هو أنت يا ربي صديقي
و أقرب ليا من نفسي
ـــــــــــــــــــــــــــــــــــــــــــــــــــــــــ
التصنيفات : خواطر | أرسل الإدراج | دوّن الإدراج
