صباح الخير إيه الأخبار ؟

مالك زعلان ليل و نهار ؟

أصل العالم كله إنهار

و ملا الدنيا خراب و دمار

تيجي تتفرج على الأخبار

تلقى الكل حزين محتار

الكون اتملا بالأشرار

أذى و عدوان و استعمار

طب إيه الحل أنا محتار ؟

عايز تعرف يا محتار

إدعي لربك ليل ونهار

ما هو ربك هو الستار

و لو نغلط هو الغفار

وحده يحول ليلنا نهار

و يعطينا من الخير أنهار

و اللي يقرب من الستار

عمره أبداً ما هيحتار

و طريقه تملاه الأنوار

و تبقى الدنيا عمار و خضار

و لازم نؤمن باستمرار

إن النصر للأخيار

و إن الحب طريقه عمار

أما  الكره طريقه دمار

و في إيدك إنك تختار  

 و لا تبقى أبداً محتار