أيام العمر معدودة

ما تقضيهاش في بكاء و أنين

الفرصة لسه موجودة

خليك سعيد ما تكونش حزين

خليك قريب من ربك

و بحب نفذ كل أوامره

ده ربك والله بيحبك

و كل السعادة في طاعة أمره

حب البشر من غير تمييز

ده الكل خلقه رب عزيز

ده كلنا ربي خلقنا

علشان عرفانه و عبادته

و لو في يوم اتفرقنا

نخسر رضاه و بركته

لازم تفكر في حياتك

إوعى تضيع أوقاتك

إخدم و ساعد كل الناس

و حب من غير قيد و لا شرط

بالصدق و الخير و الإخلاص

تحلى الحياة فعلا على الأرض

بالحب تكسب كل الناس

و تنول جوايز  إلهية

ده الحب ده اجمل إحساس

هو السعادة الحقيقية