الخير و الشر جوانا

و الأقوى هو اللي هيكسب

و طول ما ربي وايانا

الخير أكيد لازم يغلب

يا رب و النبي قدرني

أقاوم نفسي و أهديها

دي نفسي بالسوء أمارة

مش قادر أتحكم فيها

أنا كل لما أقرأ كلامك

بيجي لي إحساس بالقوة

و باحس كأني قدامك

و قلبي تملاه الفرحة

و لما تشغلني الدنيا

بالاقي نفسي في دوامة

و باحس أني ضعيف و حزين

كأنني سجين في زنزانة

يا رب أنا نفسي أتحرر

من شر نفسي و قوتها

و حقيقي أنا نفسي أتغير

و أقدر أقاوم سطوتها

القرب منك هو الحل

هو الحصانة الحقيقية

لكن طريق الله مش سهل

عايز إرادة حديدية

لازم أحاول أوي و بجد

أقاوم نفسي و أغلبها

و أبني بيني وبينها سد

علشان أقدر أهذبها

إن شاء الله ربي يقدرني

على المقاومة و الاستمرار

و لو غلطت يعذرني

و يقبل مني الاستغفار

يا رب أنا فعلا نفسي

أكون مؤمن حقيقي بجد

و أتغلب على نفسي

و ده بيني و بينك عهد