اللي حصل من أيام
غلطة في حق الإسلام
و إساءة بحق لدين
كله محبة و إيمان
إصحوا يا أهل الإسلام
ده رسول الله زعلان
إزاي بتقولوا آمننا
و تؤذوا أخوكوا الإنسان
سيدنا محمد جه بالحب
و نشره في كل مكان
سيدنا محمد جه وصاكم
بالعدل و بالإحسان
و سمعنا كتير عن كرمه
و أخلاقه و صدقه و أدبه
عمره ما أذى بني آدم
كان دايما بيراعي ربه
دين الإسلام ده تسامح
و حب و فعل الخير
و المسلم هو الناجح
في مساعدة كل الغير
و محمد قال القوة
أنك تمسك أعصابك
و ما قالش تبقى فتوة
و تؤذي أحبابك و أصحابك
و الدين دايما لله
و لا لينا رب سواه
الدين ده مكانه القلب
ما تفوقوا يا خلق الله
و إزاي يَّدعي إنسان
إن له على الدين سلطان
و ينصب نفسه إله
و هو مجرد إنسان
ده الكفر حقيقي بعينه
ده أشرك بالله مولاه
و لا يمكن ربه يعينه
في أذية خلق الله
مش هو ده الإسلام
الإسلام كله حب
و بيدعو للسلام
و الصدق و طيبة القلب
ليه بس تشوهوه
و تسوأوا كده في صورته
بأفعالكوا بتهدموه
و يخاف الناس من سيرته
أدعو كده لسبيل ربك
بالحكمة و الكلمة الحسنة
ده أكيد الناس هتحبك
لو تتعامل بالحسنى
و المسلم يسلم غيره
من اليد و من اللسان
و لا يؤذي أبدا غيره
حتى و لو بالبيان
ده رسول الله أوامره
تحبوا خلق الله
و اللي راح يعصى أمره
ده بيعصى أمر الله
إصحوا يا أهل الإسلام
ده رسول الله زعلان
أحب أهدي هذه الخواطر للسيد جمال عبد الرحيم الصحفي الذي نصب نفسه مدافعاً عن الإسلام و لكنه للأسف أصبح أكبر أعداء الإسلام بما فعله و ليس لدي شك في أن حساب الله معه عسير و أقترح عليه تغيير إسمه من جمال عبد الرحيم إلى أي إسم آخر حتى لا يتهمه أحد بالنفاق حيث أن أول إسمه جمال و هو لم يتمتع بجمال الحوار و جمال المعاملة مع الآخرين و آخر إسمه عبد الرحيم و هو لم يتذكر الله الرحيم و لو للحظة و هو يدعو للقتل و الحرق و الدمار
و أحب
المزيد
ـــــــــــــــــــــــــــــــــــــــــــــــــــــــــ
